Philia
Acta diurna
Proposita nostra
Normae statutae
Magistratus
Fasti Philiani
Colloquia percontatoria
Latinitas perennis
Nexus
Scribas ad nos
"LITTERARVM VIS" MMVIII
"HVMANITAS" MMVII
"MONVMENTA VIAEQVE MMX"
Nomen dare Philiae (non conventui)




Esne oblitus verbi arcani?
Sodalis novus
Locutorium


Oportet nomen PHILIAe des, ut una nobiscum colloqui possis!
Hoc loco particeps fieri potes

 

Acta diurna
Provocatio ad linguas Graecam Latinamque in patrimonium omnium gentium recipiendas.
Georgius Laminarius   
14. November 2011

     Cum quidem indicem earum rerum scrutaremur, quas consociatio omnium gentium cultui humanitatique provehendis, vulgo UNESCO, in patrimonium totius generis humani recepisset, sermones gentium, quae suis linguis Garifuna atque Semeiskie appelantur, una cum fabulis populi Zapara praesenti sermone traditis invenimus.Quod quidem nos magno gaudio affecit, cum toto animo credamus omnem cultum, quicumque posteritati adservatur, ad ditandam humani generis varietatem ac memoriam haud parum facere posse. 

 

 
 Nemo autem erit quin sermonem tum Graecorum, tum etiam Romanorum hereditatem, licet non sensibus apparentem, toti humano generi magni aestimandam affirmet. Etenim innumera philosophorum praecepta una cum naturalibus inquisitionibus, iuris institutionibus ac litterarum monumentis sunt per saeculorum decursum his duabus linguis illustrata. Itaque firmiter censemus atque contendimus utrumque nostrorum maiorum sermonem in hoc patrimonio numerandum esse. Quodsi tu quoque nobiscum sentis, praecamur incepto calculum adicias nomen tuum huic petitioni adscribens: 

www.vivariumnovum.net/unesco

 
MONVMENTA VIAEQVE
Georgius Laminarius   
10. May 2010

MONVMENTA VIAEQVE

In honorem et memoriam Iohannis H. Ørberg

Historia testis temporum, lux veritatis, vita memoriae, magistra vitae, nuntia vetustatis (Cic. De or. 2, 9, 36)
Longum iter est per praecepta, breve et efficax per exempla (Sen. Ep. ad Luc. 6, 5)

Romae, a die IX ad diem XVI m. Iulii a. MMX

 

Vide: www.monumentaviaeque.eu

Bohemice: http://circulus.xf.cz/www/


Praeconium (Latine)

 

         

 


 
Nuntius tristis
Borekius Marcus   
19. February 2010

Tristes nuntiamus die XVII m. Februarii Ioannem H. Orberg mortem oppetivisse,
Linguae Latinae per se illustratae auctorem atque virum doctum vereque humanum.

Etsi mortuus ille, opus nomen gloria eius immortalia sunt.

 

 

+ REQUIESCAT IN PACE +
 
 
De eius vita et opere plura hic invenies.
 

 
Fausta omina... MMX
Georgius Laminarius   
23. December 2009

Laetissimum Nativitatis Domini tempus agatis necnon annus proxime futurus prosperrimus atque felicissimus vobis sit! 
(chartula natalicia)

 
Amicorum conventus et seminaria de Latinitate anno MMIX habenda
Philia   
31. January 2009

Amicorum conventus et seminaria de Latinitate
anno MMIX habenda

     Conventu Neapolitano seminariisque Hungaricis peractis ad hoc genus annorum insequentium incepta vires colligere et, quae perificienda sunt, perficere animos induximus; itaque hoc anno omnium gentium seminaria non sumus paraturi, vobis igitur hos amicorum nostrorum conventus ac seminaria commendamus participandos:

- Concilium Latinum Lodziense Lodziae in Polonia diebus 5. - 7. mensis Iunii habebitur. Hic plura invenies. 

-Seminarium LVPAe (Latinitatis Vivae Provehendae Associationis) Vindobonense Vindobonae in Austria diebus 2. – 8. mensis Augusti habebitur. Hic plura invenies.

-Conventiculum Latinum Lexintoniae in Kentukia diebus 6. – 14. mensis Augusti agitabitur. Hic plura invenies.

-XII. conventus omnium gentium Academiae Latinitati fovendae diebus 15. – 19. mensis Septembris Ratisbonae in Germania (Bavaria) celebrabitur. Hic plura invenies.

 

Praetera hoc anno mense Augusto exeunte (24.08-29.08.) Berolini in Germania etiam Omnium gentium conventus a Foederatis societatibus studiorum classicorum (FIEC) linguis quidem vernaculis instituetur; de quo plura hic inveniri possunt.

 
<< Initium < Praeteritum 1 2 Sequens > Finis >>

Eventus 1 - 5 ex 6
 
 
Philia © 2007
Scribas ad nos